Sæl. Það vantar sameiginleg bílastæði við Laugalind. Málið er að Laugalind 3 er með þrjú bílastæði á íbúð meðan hinir í götunni eru með tvö. Mér skilst að þetta sé svona samkvæmt deiliskipulagi og lóðaleigusamningi hússins. Íbúar í Laugalind 3 hafa gengið hart fram í því að halda aukastæðunum fyrir sig með merkingum og öðru. Þetta hefur valdið ýmsum vandamálum fyrir aðra íbúa. Ég legg til að Kópavogur leigi aukastæðin 4 af Laugalind 3 fyrir alla íbúa götunnar. Sjá nánar mál 1507103.
Rökin eru þau að það þarf að gæta jafnræðis við alla íbúa í þessari götu til að tryggja frið og sátt. Ég hef ekki fengið röksemdir frá Kópavogsbæ fyrir því af hverju málið var afgreitt svona á sínum tíma. Sjá nánar mál nr. 1507103 þar sem samskipti voru (eiga að vera) skráð á milli lögfræðideildar bæjarins, byggingarfulltrúa og fleiri aðila. Vonast til að Kópavogsbær afgreiði þetta mál á lausnamiðaðan hátt og leigi stæðin fyrir alla íbúa götunnar. Það yrði farsæll endir á málinu.
Þessi hugmynd fellur ekki innan skilyrða lýðræðisverkefnisins Okkar Kópavogur og fer því ekki í kosningu. Við þökkum þér kærlega fyrir þátttökuna í hugmyndaferlinu og vekjum um leið athygli á því að kosningahluti verkefnisins Okkar Kópavogur er farin af stað og hvetjum við þig til að taka þátt. Kynntu þér kosningarnar nánar á heimasíðu verkefnisins www.kopavogur.is/okkarkopavogur
This content is created by the open source Your Priorities citizen engagement platform designed by the non profit Citizens Foundation