Bætt hljóðeinangrun við Hafnarfjarðarveg

Garðabær hefur bætt verulega hjá sér hlóðeinangrun við Hafnarfjarðarveg í sumar og finnur maður mikinn mun þegar maður gengur um hverfin þar sem hljóðeinangrun hefur verið bætt. Kópavogur ætti að fara að fordæmi Garðabæjar. Svæðið við tjörnina í Kópavogsdal er orðið mjög flott útivistarsvæði sem Kópavogsbúar nýta sér vel. Börn koma sérstaklega til að leika sér í leiktækjunum sem og að skoða fuglana á tjörninni. Það sem spillir þessu fína útivistarsvæði er umferðarhávaði frá Hafnarfjarðarveg.

Það er ekki bara hljóðið sem truflar heldur líka rykmökkur sem rennur af götunni og niður á göngustíg.

Ég bý við Hlíðarhvamm og við íbúar höfum ítrekað beðið um bætta hljóðeinangrun við Hafnarfjarðarveg. Þurfum t.d. að loka gluggum ef horft er á sjónvarp vegna hávaða. Þurfum verulega að hækka róminn þegar við tölum saman í garðinum.

Bý í Hlíðarhvammi og við getum ekki haft gluggan í stofunni opinn ef við erum að horfa á sjónvarpið né ef borðað er inn í borðstofu venga hávaðar frá Hafnarfjarðarvegi. Það þarf að bæta hljóðeinangrunina. Skilst að Garðabær hafi gert það hjá sér með góðum árangri. Myndin sýnir allt sem sýna þarf!!

Hávaða- og rykmengun við Kópavogstjörn/Kópavogslæk hefur oft verið heilsuspillandi undanfarin ár. Til þess benda m.a. mælingar Umhverfisstofnunar. Við Kópavogstjörn er eitt vinsælasta útivistarsvæði í bænum, einkum sótt af börnum og eftir að Okkar Kópavogur setti upp æfingatæki hefurásókn enn aukist. Auk þessa er meðfram veginum mjög fjölfarin göngu- og hjólaleið sem einkum börn á leið í og úr skóla og íþróttahúsi nota. Það er löngu tímabært að bærinn bæti úr þessari vanrækslu. Gbær er fyrirmynd

Þessi hugmynd var sambærileg annarri hugmynd sem fer áfram í kosningu í lýðræðisverkefninu Okkar Kópavogur og fer því ekki í kosningu. Við þökkum þér kærlega fyrir þátttökuna í hugmyndaferlinu og vekjum um leið athygli á því að kosningahluti verkefnisins Okkar Kópavogur er farin af stað og hvetjum við þig til að taka þátt. Kynntu þér kosningarnar nánar á heimasíðu verkefnisins www.kopavogur.is/okkarkopavogur